فن من فنون المحادثه
--------------------------------------------------------------------------------
السلام عليكم ورحمه الله وبركاته
انهارده انا حاولت اجيب نوع تاني من المحادثات
طبعا اكيد فيه مننا نفسهم يتكلموا ايطالي ومع ناس ايطاليين بس ازاي ؟؟
طبعا مش عارفين ازاي تقدروا تبداوا كلام معاهم او ممكن الحاور يكون ازاي
انا انهارده ححاول اجيب بعض الاسئله الشائعه في المحادثات وحنترجمها ان شاء الله ونعرف نطقها برضه
اولا لما بتيجي تبدأ محادثه مع شخص عايزين نبداها بحاجه كده مش معقوله حنقوله الاول انت اسمك ايه او كده فعندهم
التحيه هي
cioe
بتتنطق تشاو ودي معناها مرحبا
بعد كده بنساله بقى اسمك ايه "بس فيه ملحوظه مهمه جدا طبعا الشخص اللي عايزين نتعرف عليه من خلال المحادثه لسه منعرفوش فلازم الاول نكلمه بصيغه الاحترام اللي هي بنستخدم معاها الضمير Lei"
وبنقولها كده
come Lei chiama?
ودي نطقها كوميه لي كياما
والرد عليها بيكون
الاسم+mi chiamo
ونطقها مي كيامو ونقول الاسم بعدها
فرضا بقى احنا معرفناش نستنتج من الاسم اذا كان ولد ام بنت نعمل ايه ؟؟
اكيد حنساله وطبعا ما ننساش لازم صيغه الاحترام
Lei e` un uomo o una donna?
يعني حضرتك رجل ام امراه
وتتنطق
اي ايه اون اوومو اوه اونا دونا
يعني ممكن بعد كده نساله عن صحته اللي احنا بنقولها ازيك " خدوا بالكم اننا لسه مستمرين بصيغه الاحترام "
بتتقال كده
come sta?
وبتتنطق كومي ستا
وبيكون الرد عليها كده
bene
وتتنطق بيني
ومعناها الحمد لله كويس
اكيد لو مش كويس بتتقال
non bene
ونطقها نون بيني
فرضا بقى خلاص معنتش عارف تتكلم ايطالي وعايز تقلب الحوار انجليزي شويه
"بس فيه معلومه مهمه اوي ان معظم الايطاليين مش بيعرفوا انجليزي واوقات بيكونوا عارفين بس بيحبوا يعتزوا لغتهم شويه"
المهم بتحاول معاه وبتسأله
parla inglese?
معناها حضرتك بتتكلم انجليزي
وبتتنطق بارلا انجليزي
كده كفايه انهارده ونحاول نشوف باقي فنون المحادثات
بس يارب تكونوا استفدتم من الموضوع ده و تقولو يا ترى الشرح كويس ولا في اي حاجه محتاجه توضيح
ودى شويه كلمات تانيه
Libro كتاب
Sacco شوال
Albero شجرة
Orologio ساعة
Orso دب
Borsa شنطة يد
Revista مجلة
Ragazza فتاة
Amica صديقة
Opera عمل فنى
موضوع: فن من فنون المحادثه(درس 3) 
الأحد 26 أغسطس 2007, 9:08 am
